Конфронси муштараки бахшҳои Ҳизби халқии демократии Тоҷикистон дар ноҳияҳои Рашт, Нуробод, Ҷиргатол, Тоҷикобод ва Тавилдара, ки имрӯз дар маракази маъмурии ноҳияи Рашт доир гардид, раиси кунунии палатаи поёнии парлумон Шукурҷон Зуҳуровро якдилона номзад ба вакилӣ дар палатаи поёнии парлумон пешбарӣ намуд.

Котиби матбуотии палатаи поёнии парлумон Муҳаммадато Султонов ба «Азия-Плюс» тариқи телефон аз Рашт дар ин робита иттилоъ дод, ки зимни суханронӣ дар конфронси муштарак Ш.Зуҳуров қайд кардааст, ки ӯ ҳамчун намояндаи мардумӣ ва ҳам чун сиёсатмадору инсон ҳамеша барои шукуфоӣ ва пешрафт ва сулҳу субот дар сарзамини аҷдодӣ хизмат кардаву мекунад ва сиёсати роҳандозишуда дар ҷумҳурӣ аз ҷониби президентро дастгирӣ менамояд.