Бахши Ҳизби наҳзати исломии Тоҷикистон дар ноҳияи Рӯдакӣ имрӯз дар конфронси худ муовини раиси ҲНИТ, рӯзноманигор ва сиёсатшинос Маҳмадалии Ҳайитро аз ҳавзаи якмандатии интихоботии Рӯдакӣ номзад ба вакилӣ дар палатаи поёнии парлумон пешбарӣ кард.

Тавре ба «Азия-Плюс» аз дафтари кории ҲНИТ хабар доданд, узви Шӯрои сиёсии ҲНИТ Саидиброҳими Назар аз ҳавзаи якмандатии Кӯлоб номазд ба вакилӣ дар парлумон пешбарӣ шудааст.

Қобили зикр аст, ки М.Ҳайит ва С.Назар ба рӯйхати ҳизбии ҲНИТ аз ҳавзаи ягонаи умумиҷумҳуриявӣ низ шомиланд.

Дар шарҳи ин масъала роҳбари дастгоҳи КМИР Тоҷикистон Абдуманнон Додозода қайд кард, ки пешбарии як номзад ба вакилӣ ҳам аз ҳавзаи ягонаи умумиҷумҳуриявӣ ва ҳам аз ҳавзаи якманлатии интихоботӣ тибқи қонунгузорӣ манъ карда нашудааст.