Дар ноҳияи Восеъ Конфренсияи муштараки бахшҳои Ҳизби аграрии Тоҷикистон (ҲАТ) дар ноҳияҳои Балҷувон ва Темурмалик баргузор гардид.

Тавре аз маркази матбуоти ҲАТ хабар доданд, дар конфренсия, ки дар он вакилони ҳизби аз ин се ноҳия ширкат варзиданд, номзадии Сафаров Зайниддин ба вакилӣ дар Маҷлиси намояндагони Маҷлиси Олии Ҷумҳурии Тоҷикистон аз ҳавзаи Восеъ 39 пешбарӣ гардид.

Гуфта мешавад, се ноҳияи мазкур ба истиснои ду ҷамоати ноҳияи Восеъ ба ҳавзаи интихоботии №39 шомил буда, дар он зиёда аз 100 ҳазор интихобкунанда сукунат дорад.

Зимнан зикр мегардад, ки Ҳизби аграрии Тоҷикистон дар барномаи худ рушди деҳот, ки беш аз 74 %-и аҳолӣ дар он иқомат доранд ва бахши кишоварзии ҷумҳуриро дар мадди аввал гузошта, онро асоси пешрафти иқтисодиёти ҷумҳурӣ ва баланд бардоштани сатҳи некӯаҳволии мардуми кишвар донистааст.

Қобили зикр аст, ки Сафаров Зайниддин соли 2013 аз ҳавзаи Восеъ 39 вакили Маҷлиси намояндагони Маҷлиси Олии Ҷумҳурии Тоҷикистон  интихоб гардида, то ҳол дар даъвати ҳозираи парлумон фаъолият менамояд.