Соли гузаштабеш аз 33,5 ҳазор гектар заминҳои корам дарТоҷикистон аз гардиши кишоварзӣ берун монданд, ки зиёда аз 16,7 ҳазор гектари онро заминҳои обёришаванда ташкил медиҳанд.

Раиси Кумитаи давлатии заминсозӣ ва геодезияи ҷумҳурӣ Маҳмадтоир Зокиров зимни нишасти хабарӣ дар ин робита изҳор намуд, ки соли 2013 майдони умумии заминҳои корами аз гардиши кишоварзӣ берунмонда дар Тоҷикистон камее бештар аз 15,6 ҳазор гектарро ташкил дода буд.

Ба гуфтаи Зокиров, сабабҳои аз гардиш берун мондани заминҳои корам гуногун буда, соли гузашта зиёда аз 20 ҳазор гектари ин заминҳо ба иллати ғайриқаноатбахш ташкил шудани корҳои хоҷагидорӣ ба ин ҳолат дучор шудаанд.

Зимнан зикр гардид, ки соли 2014 дар вилояти Суғд – қариб 24 ҳазор, вилояти Хатлон – 8,1 ҳазор ва навоҳиии тобеи марказ – 1,5 ҳазор гектар заминҳои корам аз гардиши кишоварзӣ берун мондаанд.