Сардори КВД «Роҳи оҳани Тоҷикистон» Комил Мирзолаиев изҳор намуд, ки соли гузашта тамоми қатораҳои Тоҷикистон бо видеокамераҳо муҷаҳҳаз гардида, ин ба қайд нагардидани ягон далели қочоқи маводи нашъаовар дар қатораҳои кишвар боис гардид.

Ба гуфтаи сардори корхона, соли сипаришуда 15 нафар кормандони ширкат, ки дар қочоқи маводи мухаддир гумонбар буданд, аз кор озод карда шудаанд.

Мирзоалиев ба рӯзноманигорон иттилоъ дод, ки бо мақсади пешгирии қочоқи маводи мухаддир, бобати дар коргоҳҳои машғул ба таъмиру хизматгузориҳои қатораҳо низ насб намудани видеокамераҳо қарор ба имзо расонидааст. «Ба фикрам, ин тадбирҳо ба ҳарчи бештар пешгирии қочоқи маводи мухаддир мусоидат мекунанд», - афзуд номбурда.