- КМИР Тоҷикистон имрӯз номзадҳои тибқи рӯйхати ҳизбӣ пешбаришудаи Ҳизби сотсиал-демократии Тоҷикистон (ҲСДТ) аз ҳавзаи ягонаи умумиҷумҳуриявиро расман ба қайд гирифтанӣ буд, аммо дар робита ба қарори Шӯрои сиёсии ҲСДТ оид ба муваққатан даст кашидан аз иштирок дар интихобот, маросими сабти расмии номзадҳо аз ин ҳизб ба муҳлати дигар гузаронида шуд, - иттилоъ дод роҳбари дастгоҳи КМИР Тоҷикистон Абдуманнон Додозода.

Ба гуфтаи ӯ, КМИР раҳбарияти ҲСДТ-ро расман огоҳ кардааст, ки онҳо бояд то 9-уми феврал масъалаи иштирокашон дар интихобтро муайян кунанд, чунки дар ин сана ҷараёни сабти расмии номзадҳо ба вакилӣ дар Маҷлиси намояндагони Маҷлиси Олии Тоҷикистон ба охир мерасад.

Додозода хотирррасон намуд, ки рӯйхати ҳизбии ҲСДТ аз ҳавзаи ягонаи умумиҷумҳуриявӣ аз 14 нафар номзадҳо иборат буда, дар садри рӯйхат муовини раиси ҳизб Амният Абдуназаров ва таҳти рақами 3 раиси ҳизб Раҳматилло Зойиров қарор доранд.