Президенти Тоҷикистон Эмомалӣ Раҳмон ба муносибати ба тахти подшоҳии Арабистони Саудӣ нишастани  Ходими Ҳарамайни Шарифайн Салмон ибни Абдулазиз Оли Сауд ба унвони ӯ барқияи табрикӣ фиристод.

Бино ба иттилои хадамоти матбуоти сарвари давлат, дар барқия Эмомалӣ Раҳмон ба подшоҳи ин кишвар дар хидмати Ҳарамайни Шарифайн муваффақият орзу мекунад.  

 «Орзу дорам, ки қадамҳои Шумо дар ҷодаи роҳбарӣ ба мардуми бародари Шоҳигарӣ ҷиҳати дастёбӣ ба пешрафту шукуфоии бештари кишвар, ҳаллу фасли пирӯзмандонаи масоили Уммати исломӣ ва орзуҳову ормонҳои он устувор бошад», - омадааст дар барқия.

Ҳамчунин дар барқия гуфта мешавад, «бо истифода аз ин фурсати нек рағбати содиқонаи хешро ҷиҳати идомаи раванди ҳамкориву ҳамоҳангӣ бо Шумо дар амри таҳкими робитаҳои дӯстиву рафоқат, ки муҷиби хайру баракат барои мардумони бародари мо бошанд, изҳор менамоям».