Намояндагони Хадамоти федералии гумруки Русия рӯзи чорашинбеи ҳамин ҳафта аз Хадамоти гумурки назди ҳукумати ҶТ боздид карданд.

Бино ба иттилои дафтари матбуоти Хадамоти гумруки ҶТ, дар вохӯрии мазкур масъалаи ташкили системаи электронии сертификатсияи баромади мол баррасӣ шудааст.

Гуфта мешавад, дар ҷараёни мулоқот ҳамчунин ҷараёни омода намудани лоиҳаи протокол оид ба мубодилаи маълумот байни мақомоти марказии гумрукии мамлакати воридотӣ ва мақомоти ваколатдори марказии мамлакати содиротӣ низ мавриди таваҷҷуҳ қарор гирифт.

Зимнан зикр мегардад, ки ҳамчунин атрофи масъалаҳои техникии механизми ташкил ва истифодабарии системаи электронии сертификатсияи баромади мол табодули назар сурат гирифт.