Дар Вазорати рушди иқтисод ва савдои ҶТ бар ин назаранд, ки афзоиши назарраси талабот ба зироати ғалладонаи Қазоқистон метавонад ба болоравии нархи орд дар Тоҷикистон боис гардад.
Дар гузориши моҳонаи «Мониторинг ва огоҳкунии пешакӣ дар Тоҷикистон»-и Вазорат қайд мешавад, ки маҳдуд шудани содироти зироати ғалладона аз Русия ба афзоиши талабот ба зироати ғалладона аз Қазоқистон оварда мерасонад.
«Вазорати кишоварзии Қазоқистон оид ба захираҳои кофии ин навъи маҳсулот маълумот медиҳад, вале афзоиши назарраси талабот ба болоравии нархи содиротӣ ва мутаносибан зиёд шудани нархи орд, аз ҷумла дар Тоҷикистон боис шуда метавонад», - омадааст дар гузориш.
Мутахассисон ба чунин хулоса расидаанд, ки сатҳи болоравии нархҳо бештар ба тамоили умумии нархҳои байнулмилалӣ ба гандум ва имконоти тиҷоратӣ берун аз ҳудуди минтақаи Осиёи Марказӣ вобаста хоҳад буд.
Ба иттилои манбаъ, моҳи январи соли равон нархи орди гандум дар бозорҳои ҷумҳурӣ устувор боқӣ мондааст. Ба санаи 30 январи соли 2015 дар бозорҳои пойтахт нархи миёнаи 1 халта (50 кило) орди навъи якуми истеҳсоли ватанӣ 156,87 сомонӣ (29,2 $) ва нархи 1 халта орди истеҳсоли Қазоқистон 162,66 сомонӣ (30,2$)-ро ташкил додааст.
Тибқи маълумоти Агентии омори назди президенти ҶТ, моҳи январи соли равон аз хориҷи кишвар ба Тоҷикистон 11,8 ҳазор тонна орд ва 58,5 тонна гандум ворид шудааст, ки нисбат ба моҳи январи соли гузашта мутаносибан 35,6% ва 21,5% камтар аст.




Ҷашни Меҳргон дар Душанбе чӣ гуна таҷлил гардид?
Дар Душанбе шаҳраки нави саноатӣ ва се корхонаи калон ба истифода дода шуд
Интиқодҳо аз сабқати Асҳоб Тамаев дар Душанбе. Дар Тоҷикистон пойгаи мошинҳо иҷозат аст?
“Як паёмак сабаб шуд”. Додситонии Хатлон бархе ҷузъиёти ба дарё андохтани 4 кӯдак аз сӯи модарашонро шарҳ дод
"Моҳӣ дар шаст” соҳиби Шоҳҷоизаи Синамоҷашнвораи байналмилалии “Тоҷи Сомон” шуд. Боз кӣ ва чӣ ҷоиза гирифт?
Боздошти як нафари дигар бо гумони қаллобӣ дар фурӯши хона дар Душанбе
“Аудиокитоб” бо Субҳон Ҷалилов. Романи "Киштии Нӯҳ"-и Юнус Юсуфӣ | Қисми 3
Даргузашти Кароматуллоҳи Мирзо, Нависандаи халқии Тоҷикистон дар 83-солагӣ
Нон дар Тоҷикистон чанд сомонӣ аст?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 20 октябри соли 2025
Кулли ахбор
Авторизуйтесь, пожалуйста