Нимаи дуюми pӯзи 24 феврал вазири рушди иқтисод ва савдои Тоҷикистон Неъматулло Ҳикматуллозода бо ҳайати намояндагони Бонки ҷаҳонӣ таҳти роҳбарии намояндаи доимии Бонки ҷаҳонӣ дар Тоҷикистон хонум Патрисия Виверс-Картер мулоқот кард.

Бино ба иттилои хадамоти матбуоти Вазорати мазкур, дар вохӯрӣ масъалаҳои асосии ташкили силсилаи нави маблағгузорӣ ба сиёсати рушд дар Тоҷикистон, баррасии натиҷаҳои пешакии баҳодиҳии институсионалии кишварӣ ва сиёсӣ дар соли 2014 ва масоили дигари ҳамкории дуҷониба матраҳ шуданд.

Гуфта мешавад, дар охир ҷонибҳо барои минбаъд густариш додани ҳамкориҳо байни Вазорати рушди иқтисод ва савдо ва Бонки ҷаҳонӣ омодагии худро баён доштанд.