Дар шаҳри Хуҷанд натиҷаи интихобот ба Маҷлиси вакилони халқи шаҳри Хуҷанд ҷамбаст гардид.

Бино ба иттилои дафтари матбуоти мақомоти шаҳрдории Хуҷанд, тибқи маълумоти комиссияи интихоботии шаҳрӣ, дар тамоми 40 ҳавза интихобот  баргузоршуда ҳисоб гардида, вакилон бо аксарияти овозҳо ба мақоми вакилӣ соҳиб гаштанд.

Гуфта мешавад, аз 40 нафар вакилони интихобгардида 35 нафар  (87,5%) аъзои Ҳизби халқӣ демократии Тоҷикистон, як нафар аъзои Ҳизби аграрии Тоҷикистон, 2 нафар Ҳизби коммунистии Тоҷикистон ва 2 нафар аъзои Ҳизби ислоҳоти иқтисодии Тоҷикистон мебошанд.

Зимнан зикр мегардад, ки ба мақоми номзад ба вакили шаҳрӣ 81 нафар ба қайд гирифта шуданд, ки 54 нафар аъзои Ҳизби халқӣ демократии Тоҷикистон, 3 нафар аъзои Ҳизби коммунистии Тоҷикистон, 7 нафар Ҳизби аграрии Тоҷикистон, 16 нафар Ҳизби ислоҳоти иқтисодии Тоҷикистон ва як нафар ғайриҳизбӣ буданд.