Денис Никитин ба вазифаи директори иҷроияи ширкати «МегаФон» дар Тоҷикистон (ҶСП «ТТ мобайл») таъин шуд. Роҳбари пешини ширкат дар Тоҷикистон Андрей Шишковский директори молиявии филиали «МегаФон» дар Урал таъин гардида, кори худро дар ҳайати Шӯрои мудирони ширкати «МегаФон Тоҷикистон» идома медиҳад.

Денис Никитин дар бахши телекоуммуникатсия муддати 11 сол фаъолият дошта, нахуст соли 2004 ба ҳайси муҳандис оид ба истифодабарии пойгоҳҳои заминавӣ ва шабакаи нақлиёт дар филиали «МегаФон» дар Поволже ба кор шурӯъ намудааст. Ҳамчунин дар вазифаҳои муҳандиси пешбари пойгоҳҳои заминавӣ, роҳбари бахши фаннӣ низ ифоаи вазифа намуда, соли 2012 директори техникии ҶСП «ТТ мобайл» таъин гардааст.

Гуфта мешавад, таҳти роҳбарии ӯ лоиҳаҳои аз нигоҳи фаннӣ мушкил, аз қабили таъмини алоқа дар шоҳроҳҳои автомбилӣ ва нақбҳои Тоҷикистон амалӣ гардида, низомҳои алтернативии таъмини боэътимоди нерӯи барқи пойгоҳҳои  заминавӣ ҷорӣ шуданд.