Беларус ба Тоҷикистон пешниҳод намуд, ки ҳамкориро дар соҳаи комплекси агросаноатӣ ривоҷ бахшида, ҳамроҳ корхонаҳои муштараки истеҳсоли маҳсулоти хӯрокворӣ таъсис диҳанд.

«Баррасии масъалаи ҳамкории минбаъдаро пешниҳод мекунам. Дар соҳаи истеҳсоли шир мо имкони зиёди таъмин бо ашёи хомро дорем. Ба таъсиси корхонаҳои муштараки коркарди шири Беларус бо технологияи худамон ва дар ҳамдастӣ бо мутахассисони беларусӣ дар Тоҷикистону Афғонистон ва Ӯзбекистону Қазоқистон омодаем», - изҳор доштааст вазири кишоварзӣ ва хӯрокворӣ, ҳамраиси Комиссияи байниҳукуматии Тоҷикистону Беларус Леонид Заятс имрӯз дар форуми тиҷоратии Тоҷикистону Беларус дар Душанбе.

Ӯ қайд кард, ки Беларус ҳамчунин ба баррасии имкони таъсиси корхонаҳои муштараки коркарди гӯшти гов, паранда ва минбаъд зери тамғаи ягона роҳ ёфтан ба бозорҳои дигар кишварҳо низ омода аст.

«Мо ҳамчунин ҷиҳати муосидат ба бунёди комплексҳои ширию молӣ бо таҷҳизоти зарурии истеҳсоли Беларус, таъмин бо чорвои хушзот ва ҳамроҳӣ дар роҳандозии технология то баромадан ба иқтидори лоиҳавӣ омодаем», - овардааст БЕЛТА гуфтаҳои вазири Беларусро.

Хабарҳои моро дар Telegram пайгирӣ намоед, ба шабакаи мо бо суроғаи  https://t.me/asiaplus  ҳамроҳ шавед.