Душанбе. 10-уми апрел. ОИ «Азия-Плюс» - Дар Тоҷикистон суръати кишти чигит қаноатбахш нест.

Тибқи маълумоти раёсати рустанипарварии Вазорати кишоварзии ҶТ, феълан дар ҷумҳурӣ дар майдони 63 ҳазору 455 гектар чигит кишт карда шудааст, ки 31,6 дарсади нақшаро ташкил дода, дар муқоиса бо ҳамин давраи соли гузашта 19,3 ҳазор гектар камтар аст.

Коршиносони сабаби чунин вазъро ба борони рӯзҳои ахир, маблағгузории нокофӣ ба соҳаи пахтакорӣ ва то ҳанӯз камбуди барқ дар минтақаи шимоли ҷумҳурӣ, ки бидуни он фаъолияти пойгоҳҳои обкашӣ ғайриимкон аст, марбут медонанд.