Фаронса бар пайи як изҳори назари раисҷумҳури Туркия Раҷаб Тайиб Ардуғон сафираш дар Туркияро барои машварат фаро хонд. Ба иттилои "BBC форсӣ" Ардуғон дар як суханронияш гуфтааст, ки "ниёз дорад раисҷумҳури Фаронса ба хотири сиёсатҳояш дар қиболи мусалмонон аз назари равонӣ баррасӣ шавад".

Ба навиштаи бахши форсии BBC ин изҳороти Ардуғон пас аз он сурат гирифтааст, ки Эмонеэл Макрон, раисҷумҳури Фаронса "пас аз сар буридани як муаллими фаронсавӣ аз сӯйи мактабхони мусалмон қавл дод, ки аз арзишҳои секулори Фаронса дар баробари исломи радикал дифоъ мекунад".

Ин муаллими фаронсавӣ барои нишон додани корикатурҳои паёмбари ислом дар синф ба қатл расид.

Раисҷумҳури Туркия дар вокуниш ба суханони Макрон гуфта буд: "Мушкили фардие бо номи Макрон бо ислом ва мусалмонон чист? Макрон ниёз дорад, ки аз назари равонӣ дармон шавад". 

Дар пайи ҳодисаи қатли мулим Эмонеэл Макрон иқдомоте барои назорати бештар бар буҷаҳои хориҷии масҷидҳо дар кишвар эълон кард. 

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.