Сафири Тоҷикистон дар Подшоҳии Арабистони Саудӣ Акрам Каримӣ 5 январ бо Роҳбари Агентии тиҷорати хориҷии Арабистони Саудӣ Абдурраҳмон Ал-Ҳарбӣ мулоқот намуд.

Бино ба иттилои ВКХ Тоҷикистон, дар вохӯрӣ масъалаҳои ҳамкории иқтисодию тиҷоратӣ ва сармоягузорӣ байни Тоҷикистон ва Арабистони Саудӣ  баррасӣ гардиданд.

Гуфта мешавад, ҷонибҳо ба аҳаммияти мубодилаи сафарҳои роҳбарони ниҳодҳои иқтисодию тиҷоратии ду кишвар ва баргузории форумҳои иқтисодӣ бо иштироки намояндагони бахши хусусӣ таъкид карданд.

Қобили зикр аст, ки Арабистони Саулӣ яке аз аввалинҳо шуда 11 январи соли 1992 соҳибистиқлолии Тоҷикистонро эътироф намуд. Муносибатҳои дипломатӣ байни кишварҳо 22 феврали соли 1992 роҳандозӣ гардиданд.

Сафорати Ҷумҳурии Тоҷикистон дар Риёз - пойтахти Шоҳигарии Саудӣ сентябри 2008 кушода шуд.

Сафорати Шоҳигарии Арабистони Саудӣ дар Душанбе соли 2010 ба фаъолият оғоз кард.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.