Конгресси ИМА дар ҷаласаи муштараки ҳар ду маҷлис пирӯзии Ҷо Байденро дар интихоботи моҳи ноябри соли 2021 таъйид кард. Ҳамин тавр Байдени 78-сола баъди маросими савгандёдкунӣ, ки қарор аст 20-уми январ баргузор шавад, раисҷумҳури 46-уми Амрико хоҳад буд. 

Тасдиқи оро расмиёти охирини интихоботи Амрико буд ва ҳамингуна иҷоза медиҳад, ки Ҷо Байден ва муовини баргузидаи ӯ Камалла Ҳари рӯзи 20-уми январ расман савганд ёд кунанд. Аз ҳисоби ҳайатҳои интихоботӣ Ҷо Байден 306 раъй ва Доналд Трамп 232 раъй ба даст овардаанд.

Конгресс пирӯзи Байденро дар ҳоле таъйид кард, ки рӯзи чоршанбе шуморе аз ҳаводорони Доналд Трамп, ки дар интихобот шикаст хӯрд ба бинои Капитол ҳуҷум карданд ва ҷаласаи муштаракро барҳам заданд. Дар натиҷаи ин ҳамлаи ҳаводорони Трамп 4 нафар ба ҳалокат расидаву 80 нафарро пулис боздошт кард. 

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.