Раҳим Саидзода, вазири маориф ва илми Тоҷикистон дар ҷаласаи соҳаи маорифи вилояти Хатлон аз ҷониби Қурбон Ҳакимзода, раиси ин вилоят бо нишони сарисинагии “Омӯзгори ифтихории Хатлон” ва маблағи 3 ҳазор сомонӣ қадрдонӣ карда шуд.

Қурбон Ҳакимзода, 19 августи соли равон, зимни ин ҷаласа ба ду нафар сардори раёсати маорифи вилоят ва чанд нафар омӯзгорони собиқадори вилоят низ нишони сарисинагии “Омӯзгори ифтихории Хатлон”-ро тақдим намуд.

Инчунин,  Қурбон Ҳакимзода ба Раҳмон Исломиддин Хайриддин раиси ноҳияи Данғара ҷоизаи “Парчами сайёри ғолиб” - ро тақдим кард. Мукофоти ҷоизаи мазкур 20 ҳазор сомониро ташкил медиҳад.

Asia-Plus

Ғазалшо Сафарзода, сардори раёсати маорифи вилояти Хатлон гуфт, нишони сарисинагии “Омӯзгори ифтихории Хатлон” бо қарори раиси вилоят моҳи июли соли 2022 таъсис дода шуда, он барои қадршиносии собиқадорон ва омӯзгорони пуртаҷрибаи соҳаи маориф тақдим карда мешавад.

Ҷоизаи “Парчами сайёри ғолиб” ҳам моҳи июли соли равон таъсис ёфта, барои саҳмгузорӣ дар рушди соҳаи маориф ва самаранок амалигардонии барномаҳои соҳа равона шудааст. Ҳайати кумитаи тадорукоти аз рӯйи 33 номинатсия баҳогузорӣ мекунанд ва соли ҷорӣ ноҳияи Данғара бо 255 хол сазовори ҷойи аввал гардид.

Asia-Plus

Ҳамчунин, зимни чорабинӣ раиси вилояти Хатлон ба ғолибони озмунҳои ҷумҳуриявию байналмилалӣ, муаллимони фаъол, фаъолони соҳа, волидайни хонандагони ғолиб ифтихорномаю сипосномаҳои раиси вилоят ва мукофотҳои пулӣ тақдим кард.

Дар Telegram, Facebook, Instagram, OK ва ВК бо мо бимонед.