Аз оғози сол ҳудуди 420 ҳазор нафар аз Русия ба хориҷи кишвар рафтаанд, ки қариб ду баробар зиёдтар нисбат ба ҳамин давраи соли гузашта аст, хабар медиҳад РБК бо истинод ба Идораи омор (Росстат)-и Русия.

Дар ин давра аз Русия ба Украина 79,6 ҳазор, ба Тоҷикистон - 58,4 ҳазор, ба Арманистон - 49 ҳазор, ба Қирғизистон - 43,6 ҳазор, ба Қазоқистон - 40,7 ҳазор ва ба Ӯзбекистон - 38,6 ҳазор нафар рафтаанд.

“Теъдоди аз Русия хориҷшудагон 218,5 ҳазор нафар ё худ 2,1 баробар афзудааст: ҳам аз ҳисоби муҳоҷирон аз кишварҳои ИДМ - 189,0 ҳазор нафар ё худ 2,1 баробар ва ҳам аз ҳисоби хориҷшудагон аз кишварҳои хориҷи дур - 27,6 ҳазор нафар ё худ 2,2 баробар”, - зикр мешавад дар хабар.

Бино ба ҳисобу китоби Росстат, аз оғози сол шумори аҳолӣ дар Русия 480,6 ҳазор ё худ 0,33% кам шудааст.

Барои муқоиса, дар ҳамин давраи соли 2021 шумори аҳолии Русия 307,7 ҳазор нафар ё худ 0,21% кам шуда буд.

Ба ин тариқ, камшавии табиии аҳолии  Русия 383,8 ҳазор нафар (соли гузашта - 421,9 ҳазор)-ро ташкил дод.

Дар ҳамин ҳол, бино ба маълумоти Агентии омори ҷумҳурӣ, дар зарфи 6 моҳи соли ҷорӣ 112 ҳазор нафар аз Русия ба Тоҷикистон омадаанд. Ин нишондиҳандаи дуюм пас аз Ӯзбекистон - 319 ҳазор мебошад.

Дар Telegram, Facebook, Instagram, OK ва ВК бо мо бимонед.