Нашриёти “Дор ал-фикр-ал-арабӣ” дар шаҳри Қоҳираи Миср китоби Назруллоҳи Назар, арабшиноси тоҷик, узви Иттифоқи нависандагони Тоҷикистон “Ҷозибияту-л-Қоид” (Ҷозибаи Пешво)-ро ба табъ расонид.

Ин нахустин китоб ба забони арабӣ аст, ки хонандаи арабро бо рӯйдодҳои Тоҷикистон баъди расидан ба истиқлоли давлатӣ, корномаҳои Эмомалӣ Раҳмон дар хотима бахшидан ба ҷанги шаҳрвандӣ, расидан ба сулҳу истиқрор, гузоштани гомҳо дар роҳи рушди иқтисодию иҷтимоии устувор, ташаккули сиёсати хориҷии “дарҳои кушод”, боло рафтани нақш ва обрӯю эътибори Тоҷикистон дар арсаи ҷаҳонӣ шинос мекунад.

Китоб бо услуби публистикӣ ва бадеӣ таълиф шуда, диди муаллифро роҷеъ ба рӯйдодҳои фоҷеавӣ ва тақдирсоз, ки давлати тозаистиқлоли тоҷикон аз сар гузаронидааст, арзёбии муносибатҳои Тоҷикистон бо олами хориҷиро инъикос мекунад.

Шоистаи ёдоварӣ аст, ки нашриёти мазкур пеш аз ин асари Эмомалӣ Раҳмон, президенти Тоҷикистон “Тоҷикон дар оинаи таърих”-ро дар тарҷумаи тарҷумонҳои мисрӣ ба забони арабӣ ду маротиба (солҳои 2009 ва 2011) нашр карда буд.

Дар Telegram, Facebook ва Instagram бо мо бимонед.