Душанбе. 20-уми апрел. ОИ «Азия-Плюс» - Имрӯз дар шаҳри Душанбе Анҷумани (қурултойи) хурди қазоқони кишварҳои минтақаи Осиёи Марказӣ, Эрон ва Афғонистон ба кор шурӯъ кард.

            Чӣ тавре ки аз сафорати Қазоқистон дар ҶТ ба ОИ «Азия-Плюс» хабар доданд, анҷумани мазкур аз ҷониби сафорати Қазоқистон дар Тоҷикистон дар ҳамдастӣ бо созмони ҷамъиятии қазоқони «Байтерек» созмон дода шудааст.

Ба иттилои манбаъ, чунин чорабинӣ бори нахуст дар қаламрави кишвари Осиёи Марказӣ доир гардида, дар кори он намояндагони дисапораҳои қазоқ аз кишварҳои минтақа ва Эрону Афғонистон иштирок хоҳанд кард. «Ҳайати Қазоқистонро муовини аввали раиси Иттиҳодияи умумиҷаҳонии қазоқон Талгат Мамашев роҳбарӣ мекунад», - гуфт манбаъ.

Фардо, 21-уми апрел дар чаҳорчӯбаи баргузории чорабиниҳои анҷуман дар маҷмааи давлатии «Кохи Ваҳдат» бо иштироки намояндагони сохтори давлатӣ, мақомоти маҳаллии ҳокимияти давлатӣ ва намояндагони васоити ахбори умум мизи мудаввар созмон дода мешавад. «Ғайр аз ин, пагоҳ Т.Мамашев бо намояндагони диаспораи қазоқон дар шаҳри Қӯрғонтеппа мулоқот хоҳад орост.