Душанбе. 21-уми апрел. ОИ «Азия-Плюс» - Дар пойтахти Тоҷикистон аз 30-юми апрел то 3-юми май бо иштироки гурӯҳҳои мусиқии ҷази кишварҳои узви Иттиҳоди Давлатҳои Мустақил Ҷашнвораи мусиқии ҷаз баргузор мегардад.

         Чӣ тавре ки сардори хадамоти матбути Вазорати фарҳанги ҶТ Анвар Юсуфов ба ОИ «Азия-Плюс» хабар дод, дар ҷашнвора гурӯҳҳои ҷаз аз шаҳрҳои Тошканд, Бишкек, Алмаато ва Боку ширкат хоҳанд варзид. «Тоҷикистонро гурӯҳҳои «Авеста»-и Ҷасур Халилов ва «Мизроб»-и Аҳмад Бақоев намояндагӣ мекунанд», - гуфт ӯ.

         Ба гуфтаи А.Юсуфов, барномаҳои консертии ҷашнвора дар толори консерваторияи ба номи Т.Сатторов ва театри драмавии русии ба номи Маяковский доир хоҳанд гардид.