Душанбе. 7-уми май. ОИ «Азия-Плюс» - Дирӯз тибқи фармони президенти Тоҷикистон Эмомалӣ Раҳмон таъсиси филиали Донишгоҳи давлатии Москва   ба номи М.В.Ломоносов дар шаҳри Душанбе маъқул дониста шуд.

Тибқи фармон, фаъолияти   филиали   Донишгоҳи давлатии Москва ба номи М.В.Ломоносов дар шаҳри Душанбе мутобиқи қонунгузории Ҷумҳурии Тоҷикистон ва Федератсияи   Россия амалӣ карда шуда, қабули   довталабон   ва аттестатсияи хатмкунандагони   филиали   Донишгоҳи давлатии Москва ба номи М.В.Ломоносов дар шаҳри Душанбе тибқи талабот, тартиб ва мӯҳлати аз ҷониби Донишгоҳи давлатии Москва   ба номи М.В.Ломоносов муқарраргардида ба роҳ монда мешавад.

Ба Вазорати маорифи Ҷумҳурии Тоҷикистон   супориш дода шуд, ки якҷоя   бо Донишгоҳи давлатии Москва ба номи М.В.Ломоносов дар давоми як моҳ   масъалаҳои ташкилию   ҳуқуқии   филиали Донишгоҳи давлатии Москва   ба номи М.В.Ломоносов дар шаҳри Душанберо ҳал намоянд.

Вазорати молияи Ҷумҳурии Тоҷикистон   ӯҳдадор гардид, ки аз соли таҳсили 2009-2010 шурӯъ намуда, маблағгузории филиали Донишгоҳи давлатии Москва   ба номи М.В.Ломоносов дар шаҳри Душанберо   аз ҳисоби буҷети давлатӣ таъмин намояд.

Вазорати   корҳои дохилии Ҷумҳурии Тоҷикистон ва Вазорати корҳои хориҷии Ҷумҳурии Тоҷикистон муваззав гардиданд, ки бақайдгирии муваққатӣ ва тамдиди бақайдгирии муваққатии омӯзгорон ва кормандони хориҷиро, ки аз тарафи   филиали   Донишгоҳи давлатии Москва   ба номи М.В.Ломоносов дар шаҳри Душанбе даъват мешаванд, таъмин намоянд. Дар ин бора аз хадамоти матбуоти сарвари давлат хабар доданд.