Душанбе. 4-уми май. ОИ «Азия-Плюс» - Ҳукумати Швейтсария ба 5 бемористони Тоҷикистон лавозимоту таҷҳизоти тиббӣ тақдим кард.

Тибқи иттилои расида ба ОИ «Азия-Плюс» аз Раёсати Швейтсария оид ба рушд ва ҳамкорӣ дар ҶТ ( SDC ), кӯмаки мазкур аз лавозимоту таҷҳизоти гуногуни тиббӣ иборат буда, он ба панҷ бемористони инитихобшуда дар шаҳри Душанбе, вилоятҳои Суғду Хатлон, ВМКБ ва ноҳияҳои тобеи марказ тақсим карда мешавад.

Ба иттилои манбаъ, дар номгӯи таҷҳизот ҳамчунин панҷ генераторҳои электрикӣ низ мавҷуданд, ки соли 2008 дар чаҳорчӯбаи Барномаи омодагӣ ба офатҳои табиӣ ба Тоҷикистон супурда шуда буданд.