Душанбе. 2-юми май. ОИ «Азия-Плюс» - Маркази байнулмилалии назорати сифати маводи сӯзишворӣ The International Fuel Quality Center (IFQC) дар кишварҳои гуногуни дунёд оид ба муайян кардани сифати маводи сӯзишворӣ таҳқиқот доир сохт. Дар рейтинги таҳиянамудаи марказ аз рӯи сифати бензин Тоҷикистон нисбат ба рейтинги қаблӣ 24 зина поин фаромада, миёни 100 кишвари ҷаҳони мақоми 90-умро ишғол кард.

Тибқи маълумоти марказ, бензини беҳтарин дар Олмон фурӯхта мешавад. Пас аз Олмон дар рейтинг Ҷопон, Австрия, Дания, Эстония, Финландия, Маҷористон ва Шветсия ҷойгир шудаанд. Истифодабарандаи бузургтарини бензин дар ҷаҳон – ИМА дар зинаи 44 ва Русия дар зини 84-ум қарор доранд.

Дар мавриди беҳбуди сифати бензин нисбат ба соли гузашта кишварҳое чун Марокко, Албания, Македония, Кореяи Ҷанубӣ ва Панама ба дастовардҳои назаррас ноил гардидаанд.