Душанбе. 2-юми май. ОИ «Азия-Плюс» - Имрӯз дар шаҳри Екатеринбурги Русия конфронс оид ба таъсиси Шӯрои ҷавонони Созмони Ҳамкории Шанхай ба кор шурӯъ мекунад.

            Тибқи иттилои расида ба ОИ «Азия-Плюс» аз Кумитаи ҷавонон, варзиш ва сайёҳии ҶТ, дар кори конфронс намояндагони созмонҳои ҷавонони кишварҳои узви СҲШ, аз қабили Конгресси ҷавонони Қазоқистон, шӯъбаи кор бо ҷавонони «Жас Отан»-и Ҳизби халқӣ-демократии «Нур отан», Федератсияи умумичиноии ҷавонон, Шӯрои ҷамъиятии ҷавонони Қирғизистон, Палатаи ҷамъиятии ҷавонон ва Иттифоқи ҷавонони Тоҷикистон иштирок мекунанд.

            Бино ба иттилои манбаъ, Шӯрои ҷавонони СҲШ тибқи пешниҳоди Владимир Путин, ки   дар мулоқоти сарони кишварҳои узви созмон соли 2006 иброз намуда буд, таъсис дода мешавад.