Кӯлоб. 30-юми апрел. ОИ «Азия-Плюс» - Ҳудуди 70 дарсади сокинони ноҳияи наздисарҳадии Ш ӯ рообод ба низоми таъмини оби н ӯ шок ӣ тавассути қубурҳо дастрас ӣ надоранд.

            Чӣ тавре ки аз шӯъбаи омори ноҳия ба хабарнигори ОИ «Азия-Плюс» иттилоъ доданд, аксари аҳолии ноҳия барои таъмини эҳтиёҷоти худ обро аз чашмаву ҷӯй ва чоҳу дарёҳо мегиранд. «Бо низоми таъмини оби нӯшокӣ тавассути қубурҳо ҳамагӣ наздики 6 ҳазор нафар дар маркази маъмурии ноҳия ва 11 ҳазор нафари дигар дар 2-3 маҳаллаҳои аҳолинишини бузург дастрасӣ доранд», -гуфт манбаъ.

            Ба гуфтаи манбаъ, насби хати марказонидашудаи қубурҳои таъмини оби нӯшокӣ дар ноҳия вазифаи аввалиндараҷа ба шумор меравад. «Бо дастгирии молиявии созмонҳои байнулмилалӣ айни замон дар деҳаи Дараиоб қубури таъмини оби нӯшокӣ насб мегардад ва об дар ин ҷо натанҳо барои сокинон, балки барои обёрии 10 гектар замини кишти зироати ғалладона низ пешбинӣ шудааст», - афзуд сарчашма.