Душанбе. 29-уми апрел. ОИ «Азия-Плюс» - «Маблағи таъмини оилаҳои камбизоат бо лампаҳои каммасрафи барқӣ аз буҷаи давлатӣ барои соли 2009 ҷудо карда мешавад», - изҳор дошт дар сӯҳбат бо хабарнигори ОИ «Азия-Плюс» сардори раёсати сиёсати буҷавӣ дар бахшҳои иқтисоди Вазорати молияи ҶТ Гурез Бақоев.

            Номбурда гуфт, дар қисми хароҷоти буҷаи давлатӣ барои ҷубронпулии истифодаи нерӯи барқ ва газ ба оилаҳои камбизоат 36,3 млн. сомонӣ маблағ пешбинӣ шудааст ва аз ҳисоби он ҷудо кардани воситаҳои харидории лампаҳои каммасрафи барқӣ ба нақша гирифта шудааст.