Душанбе. 29-уми апрел. ОИ «Азия-Плюс» - Имрӯз бо ташаббуси Раёсати тандурустии шаҳри Душанбе дар дармонгоҳи ҷумҳуриявии рақами 5 барои хатмкунандагони коллеҷи тиббии пойтах Рӯзи дарҳои боз баргузор мешавад.

            Чӣ тавре ки аз Вазорати тандурустии ҶТ ба ОИ «Азия-Плюс» хабар доданд, чорабинии мазкур бо мақсади беҳбуди таъминоти муассисаҳои тиббии кишвар бо кормандони миёнаи тиббӣ, рушди хизматрасонии тибби оилавӣ ва ҷалби кадрҳои ҷавон ба марказҳои солимии пойтахт доир мегардад.

            Бино ба иттилои манбаъ, айни замон марказҳои солимии пойтахт ба беш аз 600 нафар кадрҳои тиббӣ ниёз доранд. Талаботи умумии марказҳои солимии пойтахт ба табибони оилавӣ 449 пизишк ва 898 ҳамшираи шафқатро ташкил медиҳад. Феълан дар марказҳои солимӣ 250 пизишк ва 256 корманди миёнаи тиббӣ машғули коранд.