Ширкати рейтингӣ (радабандӣ)-и байналмилалии “Moody’s Investors Service” рейтинги қарзии соҳибихтиёрии Тоҷикистонро бинобар беҳтар шудани нишондиҳандаҳои иқтисодии кишвар аз дараҷаи «B3» бо дурнамои “устувор” ба дараҷаи «B3» бо дурнамои “мусбат” баланд бардошт.
Тавре ки Бонки миллии Тоҷикистон хабар медиҳад, ба болоравии рейтинг омилҳои зерин, аз қабили рушди устувори иқтисодӣ ва афзоиши захираҳои байналмилалӣ, ки имкон медиҳанд Тоҷикистон уҳдадориҳояшро дар самти хизматрасонии қарзи беруна ва коҳиш додани фишори эҳтимолӣ ба тавозуни пардохт сари вақт иҷро намояд, мусоидат намуданд.
“Инчунин таҳкими нишондиҳандаҳои берунӣ тайи солҳои охир, маблағгузории иловагии имтиёзнок аз ҷониби шарикони рушд барои қонеъ гардонидани эҳтиёҷоти миёнамуҳлати лоиҳаҳои муҳимми давлатӣ низ ба болоравии рейтинг таъсир расониданд”, - зикр мешавад дар хабари Бонки миллии ҷумҳурӣ.
Гуфта мешавад, ширкати рейтингии байналмилалии “Moody’s Investors Service” яке аз ширкатҳои бонуфузи ҷаҳонӣ ба ҳисоб рафта, рейтинги қарзии кишварҳо ва таҳлили хавфҳои онҳоро муайян мекунад ва дар қатори Standard & Poor’s ва Fitch Ratings ба “сегонаи бузургтарин”-и ширкатҳои рейтингии байнулмилалӣ дохил мешавад.
Интишори натиҷаҳои баҳодиҳии рейтинги қарзии соҳибихтиёрӣ яке аз талаботҳои асосии ворид шудан ба бозорҳои байналмилалии сармоя ба шумор рафта, дар рушди сармоягузорӣ ва ҳамкорӣ бо ташкилотҳои молиявии байналмилалӣ, бонкҳои сармоягузорӣ ва шарикони рушд нақши мусбат дошта метавонад.
Қаблан зикр гардида буд, ки Агентии байнулмилалӣ оид ба рейтингҳо (радабандиҳо)-и Standard & Poor's Global Ratings мавқеи Тоҷикистонро дар радабандии дарозмуҳлат оид ба уҳдадориҳо дар асъори хориҷӣ ва миллӣ аз «В-» то «B» беҳтар кард. “Агентӣ ба ҷумҳурӣ “пешгӯии устувор”-ро муносиб донист”.
Дар Тоҷикистон беҳтарин омӯзгори соли 2024 маълум шуд
“Бо “скотч” ба курсӣ баста, хӯрок намедод” Як шаҳрванди Русия барои шиканҷаи тифли панҷсолаи тоҷик 5 сол зиндонӣ шуд
Интиқоли пул тавассути рақами телефон: чӣ гуна навовариҳо экосистемаи пардохтии Тоҷикистонро тағйир медиҳанд
“Аудиокитоб” бо Субҳон Ҷалилов. Маснавии маънавӣ. Ҳикояи "Аллоҳи ту лаббайки мост"
Беҳтарин донандагони асарҳои Эмомалӣ Раҳмон маълум шуданд
Боздошти як мард дар Душанбе бо гумони даст доштан дар амалҳои шаҳвонӣ нисбати ноболиғон
Тоҷикистону Арабистони Саудӣ раводидро барои дорандагони ду намуди шиноснома бекор мекунанд
Ҳукумат барои идомаи сохтмони неругоҳи “Роғун” боз 1,15 млрд доллар ҷалб кард
Ҷавонони то 20 солаи Тоҷикистон натавонистанд ба Ҷоми Осиё-2025 бароянд
Дар Думаи давлатӣ барои мубориза бо муҳоҷирати ғайриқонунӣ чораҳои нав пешниҳод шуд
Кулли ахбор
Авторизуйтесь, пожалуйста