Тайи ҳафтаи охир дар Тоҷикистон болоравии босруъати нархи помидор аз гармхонаҳо ба мушоҳида мерасад. Дар бозорҳои яклухтфурӯшӣ нархи 1 килограмми ин сабзавот ба ҳисоби миёна 4 сомонӣ - аз 16 то 20 сомонӣ боло рафт. Дар супермаркет ва нуқтаҳои фурӯши маҳаллаҳои аҳолинишин нархи ин гуна помидор то ба 30 сомонӣ расид!

Ин гуна босуръат болоравии нархро метавон бо якчанд омил шарҳ дод.

Аввалан, камшавии исетҳсоли помидор дар гармхонаҳои кишвар ба мушоҳида мерасад.

Бино ба маълумоти Вазорати кишоварзӣ, имсол 360 тонна ҳосил ҷамъоварӣ шудааст, дар ҳоле, ки соли гузашта ҳосил зиёда аз 600 тоннаро ташкил дода буд.

Сониян, воридоти он кам шуд - 1,1 ҳазор тонна ба қайд гирифта шудааст. Соли 2024 - 6,5 ҳазор тонна ворид шуда буд.

Пухат расидани помидор дар мавсими нав баъди як моҳ дар назар буда, коршиносон бар ин назаранд, ки поинравии нархи он дар ин муддат ба гумон аст.

Акс аз хадамоти матбуоти президенти ҶТ

Тағйирёбии нархи помидор дар Душанбе

Нархи помидор дар пойтахти Тоҷикистон - шаҳри Душанбе вобаста ба мавсим тағйир меёфтанд. Моҳи январи соли 2023 нархи он аз 16.50 сомонӣ оғоз гардида, моҳи декабр то 18.75 сомонӣ расид.

Дар соли 2024 вазъият тағйир ёфта, моҳи апрели нархи он 21.20 сомониро ташкил дод.

Айни замон дар соли 2025 нархи 1 килограмми он ба 20,20 сомонӣ баробар аст.

Воридоти помидор бозори Тоҷикистонро тағйир медиҳад

Воридоти помидор ба Тоҷикистон тайи се соли ахир ба таври назаррас зиёд шуд. Соли 2023 ҳаҷми воридои он 1,6 ҳазор тонна ба маблағи 1 млн 871 ҳазору 918 долларро ташкил дода, соли 2024 ин нишондиҳанда то 6,5 ҳазор тонна ба маблағи 4 млн 151 ҳазору 778 доллар расид.

Дар семоҳаи аввали соли 2025 ба ҷумҳурӣ ба маблағи 851 ҳазору 818 доллар 6,5 ҳазор тонна помидор ворид карда шуд.

Майдони кишт кам шуд

То 4 апрели соли 2025 дар Тоҷикистон дар майдони 430 гектар помидор парвариш карда мешавад. Барои муқоиса, дар ҳамин давраи соли гузашта масоҳати ин майдон ба зиёда аз 3 ҳазор гектар баробар буд.

Ҳамчунин дар ҷумҳурӣ 997 гармхона бо масоҳати 174 гектар бунёд карда шудааст, ки дар 63,1 гектараш помидор парвариш карда мешавад.

Сурат аз хадамоти матбуоти президенти ҶТ

Пешгӯии нархҳо: ақидаи коршинос

Агроном Бахтиёр Ҳасанов бар ин назар аст, ки  нархи помидор аз гармхонаҳо як моҳи дигар дар сатҳи баланд боқӣ мемонад.

“Бар асари коҳиши истеҳсол ва воридоти маҳдуд дар бозор камбуд ба вуҷуд меояд. Помидори мавсими нав аз заминҳо баъди як моҳ ба фурӯш бароварда шуда, ба гумони ғолиб, то ин давра болоравии минбаъдаи нарх ба назар хоҳад расид. Нархи 1 килограмми он дар ҳудуди 15-20 сомонӣ боқӣ мемонад”, - зикр кард ӯ.

Дар Telegram, Facebook ва Instagram бо мо бимонед.