Аз 14 то 16-уми октябр шаҳри Душанбе Форуми байнулмилалии сармоягузорӣ "Dushanbe Invest Forum-2025" баргузор мегардад, ки мавзӯи асосии он лоиҳаҳои сабз, иқтисоди рақамӣ ва моделҳои нави рушди саноатӣ мебошад.

Ташкилкунандаҳо бовар доранд, ки чорабинӣ огоҳии муҳим барои тиҷорати байналмилалӣ оид ба омодагии Тоҷикистон ба рушди устувор ва воридшавии сармоягузориҳои мустақими хориҷӣ мешавад.

Дар доираи кори форум дурнамои нерӯи барқи барқароршаванда, ҷорисозии таҷрибаҳои "ESG", маблағгузорӣ ба иқлим ва рушди сайёҳии экологӣ баррасӣ мешаванд.

Бахши ҷудогона ба рақамисозӣ, аз ҷумла зеҳни сунъӣ, молия ва техника, амнияти киберӣ ва хадамоти нави электронӣ бахшида мешавад. Рушди босуръати саноат, имконоти нав барои минтақаҳои саноатӣ ва истеҳсолоти ивазкунандаи воридот боз як самти дигар маҳсуб меёбад.

Барнома аз ҷаласаҳои мавзӯӣ бо иштироки президени Тоҷикистон Эмомалӣ Раҳмон, роҳбарони сатҳи байнулмилалӣ ва раисони корпоратсияҳо, муколамаҳои мавзӯӣ дар соҳаҳо, "Startup Summit 2025", намоишгоҳи инноватсияҳо, инчунин тренингу маърӯзаҳо барои соҳибкорони ҷавон иборат аст.

Барои иштирокчиёни хориҷӣ боздидҳо аз иншооти саноатӣ ва манзараҳои табиати кишвар, инчнуин барномаи фарҳангӣ бо консерту намоишгоҳҳо ва шомгоҳҳо бо таъомҳои миллӣ ба нақша гирифта шудааст.

Форум аз ҷониби Кумитаи давлатии сармоягузорӣ ва идораи амволи давлатии Тоҷикистон дар ҳамдастӣ бо мақомоти шаҳрдории Душанбе бо дастгирии ҳукумат созмон дода мешавад. Чорабиниҳои асосӣ дар маҷмааи миллии “Кохи Ваҳдат” баргузор мешаванд.  

Дар Telegram, Facebook ва Instagram бо мо бимонед.