Дар кошонаи ҳусни маркази савдои «Содот», воқеъ дар маҳллаи 46-уми пойтахт имрӯз тақрибан соати 11-и рӯз таркиш рух дод. Тибқи маълумоти пешакӣ, як нафар ҳалок ва чанд тани дигар, аз ҷумла соҳибмулки кошона ҷароҳат бардоштаанд.

Дар ҳамин ҳол, бино ба маълумоти маркази матбуоти ВКД ҶТ, рӯзи 8-уми октябр, тахминан соати 10:00, дар таҳхонаи толори ороишии Маркази савдои «Содот дар масоҳати 10 метри мураббаъ сӯхтор ба амал омада, дар ҷои ҳодиса ҷасади шаҳрванд Токов Олег Михайловичи 45-сола дарёфт карда шудааст.

Гуфта мешавад, оид ба сабаб, зарари сӯхтор ва ҳолати марги шаҳрванд Токов О.М. мақомотҳои дахлдор тафтишот бурда истодаанд.