Марде, ки навори бо корд ба шиками як духтарча задани ӯ дар шабакаҳои иҷтимоӣ нашр ва боиси вокунишҳои зиёде шуд, боздошт гардидааст. Ба гуфтаи мақомот, ӯ замоне ба шиками духтарчаи 8-сола бо корд зад, ки дар ҳолати мастӣ қарор дошт.
Ҳодисаро аз Шуъбаи корҳои дохилии шаҳри Панҷакент ба "Азия-Плюс" шарҳ дода гуфтанд, ки он тарқибан соати 10:00 рӯзи 16-уми феврал дар дохили бозори марказии шаҳри Панҷакент рух дод.
Дар ин навор дида мешавад, ки як мард дар назди бозори Панҷакент духтареро, ки ҳамроҳи модараш аз канори роҳ мегузарад, бо корд мезанад. Баъд аз он ки духтар фарёд мезанад, модараш огоҳ мешавад, ки ӯ захмӣ шудааст.
“Хушбахтона, кӯдак зарари ҷиддӣ набардошт ва ба ӯ ёрии тиббӣ расонида шуд. Ӯ ҳамоно ба беморхона интиқол гардида, рӯзи дуюм (18-уми феврал) аз бемористон рухсат ёфт”, - гуфтанд аз ШВКД Панҷакент.
Аз ин ниҳод гуфтанд, субҳи имрӯз, 19-уми феврал гумонбари ин ҳамала, марди 53-сола, сокини ҷамоати деҳоти Шинги шаҳр, ки қаблан низ ба ҷавобгарӣ кашида шуда буд, боздошт гардидааст.

“Тавре маълумоти пешакӣ нишон медиҳанд, ҳангоми ин ҳодиса ӯ дар ҳолати мастӣ қарор дошт. Ҳоло таҳқиқот идома дорад ва масъалаи мурофиаи ҳуқуқӣ дар бораи он ки бо кадом моддаи қонун ӯро муҳокима мекунанд, ҳал мешавад”, - гуфтанд аз шуъбаи милитсияи Панҷакент.
Ҳоло назари волидайни ин духтар нисбат ба ин ҳодиса маълум нест.
Ёдовар мешавем, ки дар наворе, ки дар шабакаҳои иҷтимоӣ паҳн шуд, дида мешавад, ки марде бебаҳона дар дохили бозор ба шиками як духтар бо корд мезанад ва ором аз паҳлӯи ӯ гузашта меравад. Ин навор дар шабакаҳои иҷтимоӣ вокуниши корбаронро ба бор овард ва аксаран аз мақомот талаб карданд, ки ин мард боздошт ва ба ҷавобгарӣ кашида шавад.
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 24 марти соли 2025
Нахустин ҷашни расмии Наврӯз дар Душанбе
Қадам ба қафо. Қатъи фаъолияти USAID ба бахши кишоварзии Тоҷикистон чӣ таъсир мерасонад?
Наврӯз кай ва чӣ гуна пайдо шудааст?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 23 марти соли 2025
Афви зиндониён. Имрӯз 697 нафари дигар аз зиндонҳои Тоҷикистон озод шуданд.
Як сол баъди ҳамла ба “Крокус”. Пайвандони 4 гумонбари асосӣ дар чӣ ҳоланд ва дар бораи фарзандонашон чӣ медонанд?
Чашм во кун, рангу асрори дигар дорад баҳор... Андар муносибати ҷашни Наврӯз ба дину мазҳаб
Афви тақрибан 900 зиндонӣ. Аллакай, 200 кас аз зиндонҳои Тоҷикистон озод шуданд
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 22 марти соли 2025
Кулли ахбор
Авторизуйтесь, пожалуйста