Юсуф Раҳмон, додситони кулли Тоҷикистон зимни сафари худ ба Британияи Кабир дар ҷаласаи 28-уми генералии Ассотсиатсияи байналмилалии додситонҳо иштирок намуд.
Дар доираи ин сафр, ӯ бо Макс Ҳилл, додситони Шоҳигарии Муттаҳидаи Британияи Кабир ва Ирландияи Шимолӣ ва ҳамчунин, додситонҳои дигар кишварҳои иштирокчии чорабинии зикршуда мулоқот намуд.
Зимни мулоқоте, ки дар Департаменти (вазорати) корҳои дохилӣ, Департаменти (вазорати) корҳои хориҷӣ ва Хадамоти бехатарии Британияи Кабир доир гашт, ҳамкории муштарак дар мубодилаи иттилооти фаврӣ оид ба хатару таҳдидҳои терроризми байналмилалӣ, расонидани ёрии ҳуқуқӣ оид ба парвандаҳои ҷиноятӣ, киберҷиноятҳо, муомилоти ғайриқонунии воситаҳои нашъадор ва дигар масъалаҳои мубрам баррасӣ гардидаанд.
Ба мувофиқа расида шудааст, ки байни Додситонии кулли Тоҷикистон ва ниҳодҳои марбутаи Британияи Кабир дар самтҳои болозикр ёддошти тафоҳум оид ба ҳамкорӣ ба имзо расонида шавад.
Бояд гуфт, ки Юсуф Раҳмон бо як сафари корӣ ба Аврупо рафта, дар доираи ин сафар бо додситонҳову масъулини воломақоми мақомоти назоратии кишварҳои аврупоӣ мулоқотҳо намудааст.
Аз ҷумла, 22-уми сентябр Юсуф Раҳмон дар шаҳри Брюссел бо додситони кулли Подшоҳии Белгия Фредерик Ван Лёв, директори генералии Хадамоти муҳоҷирати Вазорати корҳои дохилии Подшоҳии Белгия Фредди Рузмонт ва роҳбари Гуруҳи ҳамоҳангсози Подшоҳии Белгия оид ба таҳлили хатарҳо (CUTA) Герт Веркутерен мулоқотҳо анҷом дод.
Қаблтар аз ин, Юсуф Раҳмон бо додситони кулли Испания низ вохӯри анҷом дода буд. Зимни он масъалаҳои муқовимат бо терроризм, экстремизм ва киберҷиноятҳо, ба вижа дастгир ва истирдоди ҷинояткорон баррасӣ шуданд.
Пештар аз ин додситони кулли Тоҷикистон бо Стивен Кавана, муовини Котиби генералии Ташкилоти байналмилалии пулиси ҷиноятӣ (INTERPOL) дар Фаронса мулоқот карда, масъалаҳои ҳамкории дуҷонибаро баррасӣ намуда буд.
Зимни ин мулоқотҳо додситони кулли Тоҷикистон бештар масоили истирдоди ҷинояткорон, расонидани ёрии ҳуқуқӣ оид ба парвандаҳои ҷиноятӣ, бозпас додани маҳкумшудагон барои адои минбаъдаи ҷазо, муқовимати муштарак ба терроризм ва экстремизм, ҷиноятҳои муташаккили фаромиллӣ, киберҷиноятҳо, муомилоти ғайриқонунии воситаҳои нашъадор ва дигар масъалаҳои мубрамро баррасӣ намудааст.
“Заволи пиряхҳо” – филми мустанад оид ба хатари обшавии пиряхҳои Тоҷикистон
Бидуни журнали анъанавӣ. Дар кадом мактабҳои Душанбе истифодаи журнали электронӣ ҷорӣ шудааст?
Artel. Бузургтарин фабрикаи истеҳсоли техникаи маишӣ чӣ тавр фаъолият мекунад?
Дар Донишгоҳи миллии Тоҷикистон Стипендия ба номи Соҳиб Табаров таъсис дода шуд
Китоби “Тоҷикон”-ро нагирифтед? Аз ҳукуматҳои маҳаллӣ пурсед!
Корхонаи коркарди нафти Данғара шарик ва ашёи хом барои коркард меёбад?
“Аудиокитоб” бо Субҳон Ҷалилов. Маснавии маънавӣ. Ҳикояи “Тарсутар аз тарсу”
Далер Назаров ҷоизаи давлатӣ гирифт
Эмомалӣ Раҳмон бо сафари корӣ ба Суғд меравад. Кадом роҳҳои вилоят баста мешавад?
Дар Қирғизистон “Толибон”-ро махфиёна аз рӯйхати созмонҳои террористӣ хориҷ карданд
Кулли ахбор
Авторизуйтесь, пожалуйста