Додситонии кулли Тоҷикистон нисбати чанд нафар, аз ҷумла як корманди милитсияи пойтахт барои омода кардани билети ҳарбии қалбакӣ ва ҷиноятҳои қаллобӣ парвандаи ҷиноятӣ боз карда, онҳоро боздошт кардааст. Ин ниҳод дар ин бора дар сомонаи расмиаш хабар додааст.
Ба иттилоъи манбаъ, шаҳрванд Абдусаттор Шарипов барои тайёр кардани билетҳои ҳарбӣ барои се нафар аз шаҳрванд Т. Фатҳуллаева 36 ҳазор сомонӣ гирифта, тавассути дусташ Ахмедов Фирдавс барои онҳо билетҳои ҳарбии қалбакӣ омода кардааст.
Ин ҳолатро додситонӣ ошкор карда, нисбати Шарипов Абдусаттор ва Фирдавс Ахмедов барои қаллобӣ бо маслиҳати пешакӣ, сохтакории ҳуҷҷатҳо ва шарикии ҷиноят (моддаҳои 247 қисми 2 бандҳои «б,в», 340 қисми 2 бандҳои «б,в» ва 36 қисми 5-343 қисми 3 банди «б» Кодекси ҷиноятии Тоҷикистон) парвандаи ҷиноятӣ оғоз кардааст ва онҳо ба ҷавобгарӣ кашида шудаанд.
Ин ниҳод нагуфтааст, ки нисбати онҳо чӣ ҷазо таъин гардидааст.
“Дар ҳолати дигар, шаҳрванд Тухтаев Ҳасан бар ивази 40 ҳазор сомонӣ ба даъватшавандагони шаҳри Исфара, билетҳои ҳарбӣ оид ба хизматро дар ҳайати захираҳои даъвати сафарбарӣ адо намудан бо роҳи сохтакорӣ тайёр кардааст”,- навиштааст додистонӣ.
Амали онҳо зимни пешниҳод кардани билетҳои ҳарбӣ ба комиссариати ҳарбии шаҳри Исфара барои ба қайд гузоштан окшор шудааст.
Вобаста ба ин додситони гарнизони Суғд нисбати гумонбарон парвандаи ҷиноятӣ оғоз намуда, тафтишоти пешакӣ идома дорад.
Ҳолати сеюм ба гуфтаи манбаъ, бо ширкати Назаров Меҳроҷиддин, корманди шуъбаи Хадамоти давлатии «Муҳофиза»-и ВКД дар ноҳияи Шоҳмансур-2 лейтенанти калони милитсия рух додааст, ки шаҳрванд Собирзода Нуриддини бо мақсади дастрас кардани билети ҳарбии қалбакӣ ба ӯ 24 ҳазор сомонӣ додааст.
“Назаров М.Х маблағи гирифтаашро бо корманди Раёсати ВКД Ҷумҳурии Тоҷикистон дар шаҳри Душанбе, капитани милитсия Исмоилов Ашуралӣ Саюрҷонович тақсим намуда, билети ҳарбии қалбакиро ба даъватшаванда дастарс намуданд”, - гуфтааст ин ниҳод.
Баъди пешниҳод кардани билети ҳарбӣ ба мақомоти шаҳри Ваҳдат қалбаки будани билети ҳарбӣ ошкор гардида, нисбати гумонбарон парвандаи ҷиноятӣ оғоз шуда, тафтиши аъмоли Исмоилов ва Назаров идома дорад.
Ёдовар мешавем, ки ин аввалин ҳолати ошкор шудани билети ҳарбии қалбакӣ нест. Қаблан ҳам мақомот аз омода кардани билети ҳарбии қалбакӣ аз ҷониби шахсони алоҳида, аз ҷумла кормандони коммисариатҳои ҳарбӣ хабар медоданд.
Ёдрас мекунем, ки аз 1 октябр дар Тоҷикистон маъракаи даъвати тирамоҳӣ ба хизмати ҳатмии ҳарбӣ дар сафи Қувваҳои мусаллаҳи ҷумҳурӣ оғоз гардида, бо гузашти як моҳ он беш аз 70 дарсад иҷро шудааст.
Вазорати адлия Шаҳбози Аброрро раиси Ҳизби демократи Тоҷикистон эътироф кардааст
Аз Алӣ Лориҷонӣ то Саид Ҷалилӣ. Сабти номзадҳо ба мақоми раёсҷумҳури Эрон оғоз гардид
Тоҷикистону Чин маблағгузории лоиҳаҳои афзалиятнокро дар Тоҷикистон баррасӣ карданд
“Роҳ ба сӯи Тиён-Шон”: дар Тоҷикистон рушди роҳҳои мошингард баррасӣ шуд
ВКД сабаби ҳодисаи марбут ба зани 23-соларо, ки аз ошёнаи 5-ум дар Кӯлоб афтод, шарҳ дод
Чаро Тоҷикистон дар безараргардонии фурӯзонакҳои каммасраф муваффақ нашуд?
“Воридот ва фурӯши сатру либоси сиёҳ манъ аст”. Ин ба кори фурӯшандагон чӣ гуна таъсир мерасонад?
Бар зидди писари раиси бозори Ёвон парвандаи ҷиноӣ боз карданд. Ҷузъиёти кордзании хонандагон
Боришот зиёдтар мешавад: обуҳавои моҳи июн дар Тоҷикистон
“Худам шоҳу табъам вазир?”. Мансабдороне, ки парвои интиқод надоранд
Кулли ахбор
Авторизуйтесь, пожалуйста