Дар шаҳри Душанбе як ҷавони 24-сола бо гумони даст доштан дар маҷбур кардани ҷавондухтарони ноболиғ ба иҷрои амалҳои шаҳвонӣ боздошт шудааст.
Тавре ки Раёсати ВКД дар шаҳри Душанбе хабар медиҳад, дар натиҷаи коркардҳои оперативӣ-ҷустуҷӯӣ Ромиш Султонзода , сокини пойтахт дастгир карда шуд.
“Муайян карда шуд, ки Султонзода бо роҳи таҳдид ва истифодаи зуроварӣ, се ҷавондухтари ноболиғро ба иҷрои амалҳои шаҳвонӣ ҷалб намуда, дар баробари қонеъ сохтани нафси шаҳвонии худ, ҳамзамон онҳоро ҳамчун манбаи ба даст овардани маблағ истифода кардааст”, - омадааст дар хабари Раёсат.
Милитсияи пойтахт аз дигар ҷузъиёти ин ҳодиса хабар надодааст.
Гуфта мешавад, ҳамчунин зимни санҷиш муайян карда шудааст, ки номбурда дар маркази дилхушии «Бухоро Палас», Ибодат Насриддинова, сокини 25-солаи шаҳри Душанберо латукӯб намуда, ба ӯ ҷароҳати ҷисмонӣ расонидааст.
Дар хабари Раёсати ВКД зимнан зикр мегардад, ки боздоштшуда қаблан ду маротиба бо ҷурми авбошӣ суд шудааст
Ҷазо барои зӯроварии шаҳвонӣ нисбати ноболиғон
Тавре ки аз маълумоти оморӣ бармеояд, мақомоти ҳифзи ҳуқуқ дар Тоҷикистон на ҳамеша аз тамоми ҳолатҳои таҷовуз ва амалҳои бадахлоқӣ, аз ҷумла нисбат ба ноболиғон, бохабар мешаванд. Хешовандони қурбониён аксар вақт далелҳои зӯровариро пинҳон мекунанд, зеро ошкор шудани чунин ҳолатҳо, бахусус нисбат ба кӯдакон, метавонад ба канорагирии иҷтимоӣ аз худи ноболиғ ва падару модари ӯ дар ҷомеаи суннатии тоҷик боис гардад.
Дар ин робита, моҳи ноябри соли 2023 парлумони Тоҷикистон ҷазо барои ҳаракати бадахлоқона нисбати ноболиғонро сахттар кард. Ба моддаи 142 Кодекси ҷиноятии ҶТ тағйирот ворид гардида, мувофиқи он, барои ҳаракатҳи бадахлоқона “нисбати ду ё зиёда шахсони баръало ба синни чордаҳсолагӣ нарасида” аз 5 то 8 соли зиндон бо якумра маҳрум кардан аз ҳуқуқи ишғоли мансабҳои муайян ва ё машғул шудан бо фаъолияти муайян ҷазо пешбинӣ шудааст. То ин замон барои ҳаракати бадахлоқона нисбати шахсони баръало ба синни 14 нарасида, аз 2 то 5 соли зиндон пешбинӣ шуда буд.
Ғайр аз ин, дар дигар моддаҳои Кодекси ҷиноятии кишвар низ барои чунин ҷиноятҳо ҷазо пешбинӣ шудааст. Аз ҷумла, дар моддаи 138 (Таҷовуз ба номус) ба муҳлати аз 7 то 12 сол ва дар ҳолати ретсидиви махсусан хавфнок - аз 12 то 25 сол ҷазои маҳрумият аз озодӣ пешбинӣ шудааст. Дар моддаи 139 (Ҳаракати зӯроварии дорои хусусияти шаҳвонӣ) ҷазои аз 7 то 10 соли маҳрумият аз озодӣ таъин шудааст. Дар моддаи 141 (Алоқаи ҷинсӣ ва дигар ҳаракати дорои хусусияти шаҳвонӣ бо шахсе, ки ҳанӯз ба синни 16-солагӣ нарасидааст) аз 2 то 10 соли ҷазои маҳрумият аз озодӣ пешбинӣ шудааст.
Дар Тоҷикистон беҳтарин омӯзгори соли 2024 маълум шуд
“Бо “скотч” ба курсӣ баста, хӯрок намедод” Як шаҳрванди Русия барои шиканҷаи тифли панҷсолаи тоҷик 5 сол зиндонӣ шуд
Интиқоли пул тавассути рақами телефон: чӣ гуна навовариҳо экосистемаи пардохтии Тоҷикистонро тағйир медиҳанд
Moody’s ҳам аз паси S&P рейтинги қарзии соҳибихтиёрии Тоҷикистонро баланд кард
“Аудиокитоб” бо Субҳон Ҷалилов. Маснавии маънавӣ. Ҳикояи "Аллоҳи ту лаббайки мост"
Беҳтарин донандагони асарҳои Эмомалӣ Раҳмон маълум шуданд
Тоҷикистону Арабистони Саудӣ раводидро барои дорандагони ду намуди шиноснома бекор мекунанд
Ҳукумат барои идомаи сохтмони неругоҳи “Роғун” боз 1,15 млрд доллар ҷалб кард
Ҷавонони то 20 солаи Тоҷикистон натавонистанд ба Ҷоми Осиё-2025 бароянд
Дар Думаи давлатӣ барои мубориза бо муҳоҷирати ғайриқонунӣ чораҳои нав пешниҳод шуд
Кулли ахбор
Авторизуйтесь, пожалуйста