Тоҷикистон барои дорандагони шиносномаҳои умумишаҳрвандии хориҷии Туркия низоми раводид ҷорӣ намуд. Дар ин бора аз Вазорати корҳои хориҷии Тоҷикистон ба “Asia-Plus” хабар доданд.
Дар ВКХ гуфтаанд, бо истинод ба эзоҳи қарори Ҳукумати Тоҷикистон аз 28 марти соли 2024 бо мақсади татбиқи принсипи муомила ба мисл, шурӯъ аз 20 апрели соли 2024 низоми раводидӣ нисбат ба дорандагони шиносномаҳои умумишаҳрвандии хориҷии Туркия татбиқ мегардад.
“Шаҳрвандони Туркия метавонанд раводиди Тоҷикистонро аз сафорат ва консулгариҳои Тоҷикистон дар хориҷа дастрас намоянд”, - зикр карданд дар ВКХ.
Тафсилоти бештар айни ҳол дастрас нест. Маълум нест, ки арзиши раводид чанд аст ва онро бо чӣ тартиб метавон дастрас кард. Бо пайдо шудани маълумоти бештар, ҳатман пешниҳод мегардад.
Бояд гуфт, ки чанд рӯз пеш раиси ҷумҳури Туркия бо имзоия як фармон барои шаҳрвандони Тоҷикистон низоми раводид ҷорӣ кард ва он аз 20-уми апрел амалӣ мегардад.
Нархи раводид ба Туркия чанд пул аст ва онро аз куҷо ва чӣ гуна метавон дастрас кард, дар матлаби “Раводид ба Туркияро аз куҷо ва чӣ гуна метавон дастрас кард?” мутолиа намоед.
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Кулли ахбор
Авторизуйтесь, пожалуйста