Вазорати тандурустӣ ва ҳифзи иҷтимоии аҳолии Тоҷикистон изҳор медорад, ки дар муассисаҳои тандурустии наздисарҳадии ВМКБ-и Тоҷикистон ҳамасола то 30 нафар шаҳрвандони Афғонистон аз ташхиси тиббӣ гузаронида шуда, ба табобат фаро гирифта мешаванд.

Зимни вохӯрии вазири тандурустӣ ва ҳифзи иҷтимоии аҳолии Тоҷикистон Насим Олимзода бо сафири Афғонистон дар Тоҷикистон Саидмаъсум Бадахш сафир кишвари ҳамсоя изҳор намуд, ки соли ҷорӣ бо дарназардошти боришоти зиёд ва номусоидии обу ҳаво дар минтақаи Бадахшони Афғонистон, зарурати интиқоли беморон ба Бадахшони Тоҷикистон ба миён омадааст, хабар медиҳад дафтари матбуоти Вазорати тандурстӣ ва ҳифзи иҷтимоии аҳолии Тоҷикистон.

Гуфта мешавад, дар доираи Барномаи муштараки байни ВМКБ-и Тоҷикистон ва вилояти Бадахшони Афғонистон, ки аз тарафи Хазинаи Оғо Хон дастгирӣ меёбад, мутахассисони соҳаи тиб дар деҳоти наздисарҳадӣ ба шаҳрвандони Афғонистон мунтазам хизматрасонии тиббӣ мерасонанд.

Дар анҷоми вохӯрӣ вазир барои омодагӣ ва дастгирии иштироки мутахассисони варзида дар Конгресси кардиологҳо ва терапевтони Осиёи Марказӣ ва давлатҳои иштирокчиёни ИДМ, ки 25-26 апрели соли 2019 дар шаҳри Душанбе ба нақша гирифта шудааст, ба вазири сиҳатии оммаи Афғонистон миннатдории худро изҳор намуд.

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.