Бо дарназардошти таҷрибаи ҷаҳонӣ оид ба эътино ба бемории Covid-19 Вазорати тандурустӣ ва ҳифзи иҷтимоии аҳолии Тоҷикистон шоми 6 июн гурӯҳи калони тими тиббии Лаҳистон (Полша)-ро пазируфт.

Бино ба иттилои маркази матбуоти Вазорат, меҳмононро дар фурудгоҳи байналмилалии Душанбе муовини аввали вазири тандурустӣ ва ҳифзи иҷтимоии аҳолии ҷумҳурӣ Саида Умарзода истиқбол гирифт.

“Ҳайати мазкури тими тиббии Лаҳистон аз 16 иборат нафар буда, онҳоро се нафар коршиносони Созмони ҷаҳонии тандурустӣ (СҶТ) ҳамроҳӣ мекунанд”, - омадааст дар хабар.

Гуфта мешавад, дар назар аст, ки ҳайати тими тиббии Лаҳистон ба манотиқи гуногуни Тоҷикистон сафар карда, тайи як моҳ дар беморхонаву муассисаҳои табобатии мамлакат бо табибони тоҷик табодули таҷриба хоҳанд намуд.

Қобили зикр аст, ки ояндаи наздик мутахассисони Роспотребнадзор барои кор дар ҳайати гурӯҳи коршиносони байнулмилалӣ, ки аз ҷониби СҶТ таъсис дода мешавад, бори дигар ба Тоҷикистон фиристода мешаванд. Дар ин хусус дар сомонаи Роспотребнадзор хабар дода мешавад.

Гурӯҳ барои кумак ба Тоҷикистон дар корҳои ташхис дар озмоишгоҳ, назорати эпидемиологӣ ва баргузории таҳқиқоти коронавируси нав сафарбар мегардад.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.