Вазорати маорифи ва илми Тотористони Русия барои шаҳрвандони Тоҷикистон ҷиҳати таҳсил аз рӯи 18 ихтисос дар муассисаҳои таҳсилоти ибтидоӣ ва миёнаи касбӣ 100 квота ҷудо кард. Дар ин бора ба “Азия-Плюс” аз Кумитаи таҳсилоти ибтидоӣ ва миёнаи касбии назди ҳукумати Тоҷикистон хабар доданд.
Ин тасмим дар доираи вохӯрӣ бо ҳайати Тотористон дар Душанбе рӯзи 6 сентябр гирифта шуд. Гутфа мешавад, минбаъд шумори квотаҳо метавонад зиёд шавад.
“Ин квотаҳо метавонанд ҳам дар соли хониши имсола ва ҳам оянда истифода шаванд”, - иброз доштанд дар Кумита.
Муовини аввали вазири маориф ва илми Тотористон Андрей Поминов зимни вохӯрӣ омодагии ҷумҳуриро ба ҳамкории минбаъда бо Тоҷикистон, аз ҷумла дар заминаи коллеҷи политехникии “Алабуга” изҳор намуд. Зимни вохӯрӣ ҳамчунин масоили баланд бардоштани сатҳи тахассуси омӯзгорони муассисаҳои таълмии касбӣ ва таҳияи тарзҳои нави омӯзиш дар ин раванд баррасӣ шуданд.
“Алабуга” минтақаи махсуси иқтисодии навъи саноатӣ-истеҳсолӣ аст, ки дар Тотористон воқеъ мебошад. Ягона саҳмиядори ширкат Вазорати муносибатҳои замин ва амволи Тотористон мебошад.
Моҳи феврали соли 2024 Вазорати молияи ИМА нисбати “Алабуга” таҳримҳо ҷорӣ кард. Зикр шуда буд, ки дар қаламрави минтақа истеҳсоли ҳавопаймоҳои бесарнишини навъи “Геран-2” роҳандозӣ шуда, дар ҳоли рушд аст. Таҷҳизоту қисмҳои онро Эрон таъмин карда, аз ҷониби Русия дар низоъ бо Украина истифода мешавад.
Қаблан хабар дода будем, ки соли гузашта Русия квотаҳо барои довталабони тоҷикро ба таври назаррас зиёд карда, дар соли хониши 2023/2024 шумори онҳоро ба 1000 адад расонид.
Қобили зикр аст, ки Русия самти асосӣ барои таҳсил дар хориҷа барои ҷавонони тоҷик боқӣ мемонад. Тибқи маълумоти Вазорати маориф ва илми Тоҷикистон, айни замон зиёда аз 41,2 ҳазор ҷавонону духтарони тоҷик дар берун аз ҳудуди ҷумҳурӣ таҳсил мекунанд. Теъдоди бештари донишҷӯёни тоҷик - 33,17 ҳазор нафар дар Русия машғули таҳсиланд.
Бидуни об ва бе шароити зист. Зиндагии муҳоҷирони экологӣ дар Тоҷикистон
“Биёрой рӯи заминро ба меҳр”. Бузургдошти ду чеҳраи илму адаби тоҷик дар Машҳад
"Ба ин гурӯҳҳо иртиботе надорем" “Душанбе Сити” пайдо шудани гурӯҳҳои шабҳанок аз номи бонкро шарҳ дод
Дар Тоҷикистон тайи даҳсолаи ахир зиёда аз 4 ҳазор офати табиӣ рух дод
Пешниҳоди таъсиси боз як қувваи зиддитолибонӣ. Ҳизбу шӯрову ҷабҳаҳои "собиқадор" чӣ ҳол доранд?
Як сокини Деваштич барои ба худкушӣ расонидани келинаш 5 сол равонаи зиндон шуд
Дар парвандаи “Крокус” метавонанд иштирокчиёни нав пайдо шаванд
Эмомалӣ Раҳмон барои ширкат дар вохӯрии сарони давлатҳои Осиёи Марказӣ ва Олмон ба Остона рафт
Тоҷикистон Ҷоми ҷаҳони футзалро бо бохт оғоз кард
Беш аз 1000 хонанда дар як мактаб. Дар кадом кишвари Осиёи Марказӣ мактаб намерасад?
Кулли ахбор
Авторизуйтесь, пожалуйста