Муғфуруллоҳ Шаҳоб, писари сарпарасти вазорати саноати кӯҳии Афғонистон ба ҳайси сафири Толибон дар Ӯзбекистон пазируфта шудааст.
Дар ин бора Забеҳулло Муҷоҳид, сухангӯи гуруҳи Толибон* дар саҳифаи Х (Твиттери пешин)-и худ хабар додааст.
“Силсилаи қабули сафирони Афғонистон ва супурдани сафорат дар кишварҳои ҷаҳон бо суръати баланд идома дорад!
Сафорати Афғонистон дар Ӯзбекистон ба Мавлӣ Муғфуруллоҳ Шаҳоб, сафири Имороти Исломӣ супурда шуд”, - навиштааст Забеҳулло Муҷоҳид.
Хабари таслими Сафорати Афғонистон дар Ӯзбекистон ба намояндаи Толибон ҳафтаи гузашта расонаӣ гардид, аммо расман касе тасдиқ накарда буд.
Мақомоти Ӯзбекистон ҳам то ҳол дар ин бора расман изҳори назар накардаанд.
Муғфуруллоҳи Шаҳоб айни ҳол Сафорати Афғонистон дар Ӯзбекистонро амалан роҳбарӣ мекунад, аммо расман пас аз қабули эътимодномаи ӯ аз сӯйи Шавкат Мирзиёев, раиси ҷумҳури Ӯзбекистон ба кор оғоз менамояд.
Нафари таъинкардаи Толибон дар курсии сафирӣ Аҳмад Холид Илмиро иваз кард, ки аз ҷониби ҳукумати қаблӣ ба ин мақом таъйин шуда буд.
Пештар аз ин, Чин низ эътимодномаи намояндаи таъйиншудаи Толибонро пазируфта буд. Чин аввалин кишваре дар ҷаҳон шуд, ки бо ҳукумати Толибон равобити дипломатӣ барқарор кард.
Давлатҳои боқимондаи минтақа, аз ҷумла, Тоҷикистон то ҳол Сафорати Афғонистонро ба намояндаи Толибон таслим накардааст ва сафири пешини ин кишвар чун намояндаи мардуми Афғонистон фаъолият дорад.
Ҳарчанд хабарҳо дар бораи таслими консулгарии Афғонистон дар шаҳри Хоруғ ба намояндаи Толибон интишор шуданд, аммо мақомоти расмии Тоҷикистон дар ин бора шарҳи расмӣ надодааст.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - «Афғонистон» бихонед.
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Пешниҳоди Рустами Эмомалиро СММ қабул кард. Акнун ҳамасола 25 май - Рӯзи ҷаҳонии футбол таҷлил мешавад
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Кулли ахбор
Авторизуйтесь, пожалуйста