Имсол мусобиқаи байналмилалӣ оид ба ҷудо барои дарёфти Ҷоми Президенти Тоҷикистон моҳи октябр дар ноҳияи Данғара баргузор мегардад. Дар ин бора “Варзиш ТВ” иттилоъ додааст.

Ба гуфтаи манбаъ, ин мусобиқаи 10-уми байналмилалӣ оид ба ҷудо мебошад ва он ду рӯз - 4 ва 5-уми октябр баргузор мегардад.

Дар он варзишгарони тоҷику хориҷа барои дарёфти Ҷоми Президенти Тоҷикистон миёни ҳам рақобат хоҳанд кард.

“Мусобиқа аз рӯи 7 категорияи вазнӣ байни мардон: 60 кг, 66 кг, 73 кг, 81 кг, 90 кг, 100 кг, +100 кг ва 3 вазн байни занон: 52 кг, 57 кг ва -63 кг доир мегардад. Барои иштирок дар мусобиқа варзишгарон аз давлатҳои хориҷӣ даъват шудаанд”, - менависад манбаъ.

Ғолибон бо медалу ҷоизаҳои пулӣ: ҷои якум - 27 ҳазору 500 сомонӣ, ҷои дуюм - 16 ҳазору 500 сомонӣ ва ду ҷои сеюм бо 11 ҳазор 000 сомонӣ қадрдонӣ мешаванд.

Ёдовар мешавад, ки мусобиқаи байналмилалӣ барои Ҷоми Президенти Тоҷикистон оид ба гӯштини ҷудо аз соли 2013 доир мешавад ва соли гузашта он рӯзҳои 19-20-уми сентябри соли 2022 дар Қасри варзиши шаҳри Хуҷанд​ баргузор гардида буд.

Дар Telegram, Facebook, Instagram, OK ва ВК бо мо бимонед.