Варзишгарони тоҷик дар бозиҳои Иттиҳоди Давлатҳои Мустақил (ИДМ) дар Озарбойҷон аз 6 намуди варзиш 22 медал ба даст оварданд.

Дар ин бора ТВ “Варзиш” хабар дода, менависад, ки дар намуди бокс муштзанҳои навраси кишвар сазовори 1 медали тилло, 2 нуқра, 4 биринҷӣ гаштанд:

Беҳрӯз Умаров (50 кг) - медали тилло;

Аъзамҷон Ҳасанов (48 кг) - медали нуқра;

Акбарҷон Абдуллоев (57 кг) - медали нуқра;

Фурӯғ Сарҳадзода (-60 кг) - медали биринҷӣ (миёни духтарон);

Дамир Назаров (46 кг) - медали биринҷӣ;

ТВ Варзиш

Умарҷон Асроров (66 кг) - медали биринҷӣ;

Амир Нозимов (75 кг) - медали биринҷӣ.

Дар намуди ҷудо варзишгарони тоҷик се медал ба даст оварданд:

Юсуф Замонов (50 кг) - медали нуқра;

Абӯбакр Худоиев (55 кг) - медали биринҷӣ;

Лоиқ Қутбиддинов (60 кг) - медали биринҷӣ.

Тоҷикистон дар навъи гуногуни куштӣ 9 медал ба даст овард.

Дар куштии юнонӣ-румӣ:

Алишер Рӯзимадов (71 кг) - медали нуқра;

Алишер Рузиматов
ТВ Варзиш

Муҳаммадёсин Ибодуллоев (45 кг) - медали биринҷӣ;

Маҳдӣ Баротов (60 кг) - медали биринҷӣ.

Дар куштии тарзи озод:

Идрис Баҳромов (-71 кг) - медали биринҷӣ;

Алиризо Баҳромов (-80 кг) - медали биринҷӣ.

Дар самбо:

Назаралӣ Холов (64 кг) - медали биринҷӣ;

Ёсин Ҳукуматов (71 кг) - медали биринҷӣ.

Дар таеквондо:

Абдуҷаъфари Баҳодур (54 кг) - медали биринҷӣ;

Нурулло Муродов (74 кг) - медали биринҷӣ.

Дар варзиши қаиқронӣ ду варзишгари мо 3 медал ба даст оварданд:

Муҳаммадӣ Раҷабов (каноэи якнафарӣ, 500 метр) - медали нуқра;

Муҳаммадӣ Раҷабов, Ислом Носиров ва Далер Носиров аз рост
ТВ Варзиш

Муҳаммадӣ Раҷабов (каноэи якнафарӣ, 200 метр) - медали биринҷӣ;

Ислом Носиров ва Далер Носиров (К-2, 200 метр) - медали биринҷӣ.

Бозиҳои сеюми кишварҳои ИДМ-2025 рӯзи 28-уми сентябр дар Озарбойҷон оғоз гардид ва то 8-уми октябр идома кард. Дар ин мусобиқа 1 ҳазору 605 варзишгар аз 10 кишвар, ширкат карданд, ки 144 варзишгар намояндаи ҳайати Тоҷикистон буданд.  

Бояд гуфт, ки ин сеюмин ширкати варзишгарони Тоҷикистон дар Бозиҳои ИДМ аст. Соли 2021 дар Қазон варзишгарони тоҷик 14 медал ба даст оварда, дар ҳисоби умумидастаӣ мақоми 7-умро касб намуданд. Соли 202-юм дар Минск 13 медалро соҳиб шуда дар байни 22 кишвар дар ҷои 8-ум қарор гирифтанд.

Дар Telegram, Facebook ва Instagram бо мо бимонед.