Муҳаммад Абдулкабир, яке аз масъулини баландрутбаи Толибон*, ки то имрӯз ба ҳайси муовини сиёсии нахуствазири ҳукумати сарпарасти ин гуруҳ дар Афғонистон фаъолият дошт, нахуствазир таъин гардид. Ӯ дар ин мақом Муҳаммадҳасан Охундро иваз кард. Дар ин бора Забеҳулло Муҷоҳид, сухангӯи Толибон ба бахши форсии BBC иттилоъ додааст.
Забеҳулло Муҷоҳид гуфтааст, “Муҳаммадҳасан Охунд дар рухсатӣ ба Қандаҳор рафт ва ба иллати беморӣ хост каме истироҳат кунад”.
Расонаҳои маҳаллии Афғонистон қаблан хабар доданд, ки Муҳаммадҳасан Охунд ба далели бемории қалб дар бемористон табобат мегирад.
Забеҳулло Муҷоҳид низ таъйид кардааст, ки сабаби “истеъфои муваққат”-и Муҳаммадҳасан Охунд беморӣ аст.
Муҳаммад Абдулкабир кист?
Дар давраи аввали ҳукмронии Толибон ӯ муовини дуюми Шӯрои вазирон, волии Нангарҳор ва раиси минтақаи шарқии Толибон буд. Мисли бисёре аз раҳбарони Толибон, ӯ дар феҳристи таҳримҳои Созмони Милали Муттаҳид қарор дорад ва ба тарҳрезии чандин ҳамлаҳои хунини ин гурӯҳ дар 20 соли охир муттаҳам мешавад. Ӯ яке аз масъулини аршади ҳайати музокиракунандаи Толибон бо ИМА дар шаҳри Давҳа буд. Баъди ғасби қудрат дар Афғонистон аз сӯйи Толибон дар тобистони соли 2021, ӯ муовини сиёсии сарвазир таъин гардид.
Зикр бояд кард, ки Муҳаммадҳасан Охунд чанде пеш бо Муҳаммад бин Абдурраҳмон Оли Сонӣ, нахуствазир ва вазири корҳои хориҷии давлати Қатар дар Қандаҳор, на пойтахт – Кобул, мулоқот кард.
Баъди ин мулоқот гуфтугузорҳо дар хусуси интиқоли эҳтимолии пойтахт аз Кобул ба Қандаҳор афзоиш ёфт. Маврид ба зикр аст, ки Ҳайбатуллоҳ Охунзода, роҳбари Толибон ва дафтари ӯ дар Қандаҳор мустақар аст ва бисёре аз ҳайатҳои хориҷӣ маҳз ба ин шаҳр сафар мекунанд.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.




Бозии тақдирсоз. Пагоҳ тими миллии футболи Тоҷикистон дар Ҳисор Филиппинро пешвоз мегирад
Аз ифтитоҳи чанд бинову корхона то нигаронӣ аз рушди саноат ва кори ташкилотҳои қарзӣ. Эмомалӣ Раҳмон дар Суғд кадом иншоотро ифтитоҳ кард ва чӣ гуфт?
Як соҳибкор дар Суғд барои таҷлили зодрӯзаш 117 ҳазор сомонӣ ҷарима шудааст
"Аудиокитоб" бо Субҳон Ҷалилов. Асари "Таърихи инқилоби Бухоро"-и Садриддин Айнӣ |Қисми 55
Трамп гуфтааст, ки мехоҳад нафти Эронро дар ихтиёр бигирад
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 30 марти соли 2026
Шахси калидӣ барои музокирот ё ходими содиқи низом. Муҳаммадбоқир Қолибоф кист?
Субҳ ба хайр, Тоҷикистон! Як рӯз дар таърих, зодрӯзи шахсиятҳо, вазъи ҳаво барои 29 марти соли 2026
Аз оғози кушторҳои пайдарпай дар Конибодом ду сол гузашт. Ангезаи кушторҳо чӣ буду гумонбарон чӣ ҷазо гирифтанд ва чанд кас кушта шуд?
Даргузашти Маҳмудхон Шоев, рӯзноманигор ва ректори пешини Донишкадаи омӯзгории Рашт
Кулли ахбор
Авторизуйтесь, пожалуйста