Шӯрои миллии муқовимат барои наҷоти Афғонистон, ки гуруҳҳо ва шахсиятҳои мухолифи Толибонро* гирд овардааст, дар вокуниш ба эътирозҳои мардумӣ алайҳи ин гурӯҳ дар Бадахшон гуфтааст, ки “Толибон бо таҳқир ва куштани мардум ба ҳадафҳои “ситамгаронаашон” намерасанд”. Дар ин бора хабаргузории “8 субҳ” иттилоъ медиҳад.
Ин шӯро дирӯз, 5-уми май, бо нашри баёнияе гуфтааст, ки Толибон бештар аз ин бо “ситезаҷӯйиву зулм ва ваҳшигарӣ” сабри мардумро наозмоянд.
Дар ин эъломия омадааст, “Толибон бояд паёми садои эътирози мардумро дарк кунанд ва ба иродаи мардум итоат кунанд, вагарна исрор ба саркӯб, куштор, таҳқир ва мусодираи иродаи мардум пояи онҳоро хароб хоҳад кард”.
Шӯрои миллии муқовимат барои наҷоти Афғонистон афзудааст, “рафтори гурӯҳи Толибон дар ҳама ҷо, ба хусус дар қазияи ахири Бадахшон, нишон медиҳад, ки ин саркӯбии бераҳмона на ба хотири кишти кӯкнор, балки бо ангезаҳои сиёсӣ сурат мегирад, зеро Толибон, дар аксар ноҳияҳои кишвар худашон тарғибкунандагони кишти кӯкнор ҳастанд”.
Лозим ба ёдоварист, ки тайи се рӯзи ахир навоҳии Дароим ва Аргуи вилояти Бадахшон шоҳиди эътирозҳои мардумӣ алайҳи Толибон шуданд.
Эътирозгарон далели истодагарӣ дар баробари ин гурӯҳро “зулм ва таҷовуз ба ҳарими хусусиашон” аз сӯйи Толибон унвон мекунанд.
Аммо дар вокуниш ба талаби эътирозгарон Толибон оташ кушода, дастикам ду нафарро кушта ва беш аз 15 нафари дигарро захмӣ кардаанд.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Кулли ахбор
Авторизуйтесь, пожалуйста