Имрӯз, 11-уми август, дар Ӯзбекистон аввалин мурофиаи 21 нафаре, ки доруи "Док-1 Макс" ба ин кишвар ворид карда, сабаби марги 65 кӯдак шуданд, баргузор гардидааст. Дар ин бора Азиз Абидов, як намояндаи Суди олии Ӯзбекистон иттилоъ додааст.
Ба гуфтаи ӯ, ин 21 нафар айбдоршавандагон - 16 мард ва 5 зан мебошанд, ки миёни онҳо шаҳрвандони хориҷӣ низ ҳастанд.
“S.R.P. – як шаҳрванди 51-солаи Ҳиндустон, ки директори ҶДММ “Курамакс Медикал” мебошад, барои ворид кардани доруи "Док-1 Макс" айбдор шудааст.
Ҳамчунин, Сардор Қариеви 41-сола, шаҳрванди Ӯзбекистон, ки дар як вақт директори Агентии рушди саноати фармасевтӣ ва директори Маркази давлатии экспертиза ва стандартизатсияи доруворӣ, техникаи тиббӣ ва таҷҳизоти тиббиро ба ӯҳда дошт, дар пайи ин ҷиноят айбдор гардидааст.
Ба гуфтаи намояндаи Суди олии Ӯзбекистон, дигар айбдоршавандагон кормандони масъули ҶДММ “Курамакс Медикал” ва Корхонаи воҳиди давлатии “Маркази давлатии экспертиза ва стандартизатсияи доруворӣ, асбобу анҷоми тиббӣ ва таҷҳизоти тиббӣ” мебошанд.
Онҳо ба содир кардани ҷиноятҳои пешбинигардида дар моддаҳои 184, 28,186-3, 186-3, 25,205, 205, 207, 28,209, 209, 210, 211, 212, 228-и Кодекси ҷиноятии Ӯзбекистон айбдор мешаванд.
Ҳоло ба иттилои манбаъ, 7 нафари айбдоршавандагон ба ҳабс гирифта шуда, 12 нафар баёноти рафтори нек дода ва 2 нафари дигар бо гарав озод шудааст.
Гуфтан ба маврид аст, ки аз кофтуковҳое, ки дар Ҳиндустон гузаронида шуд, муайян гардид, ки дар истеҳсоли доруи мазкур бар ивази моддаи доруворӣ моддаи заҳролуд истифода шудааст.
Аз тарафи Созмони ҷаҳонии тандурустӣ барои истифодаи доруҳои "Док-1 Макс" ва "Амбронол" огоҳии ҷиддӣ дода шуд. Ӯзбекистон 3-юм давлат мебошад, ки дар он заҳролудшавӣ аз доруи мазкур қайд карда шудааст.
Ширкати ҳиндии Marion Biotech (истеҳсолкунандаи ин доруҳо) аз авоили солҳои 2000-ум дар Тоҷикистон фаъолият мекунад. Тибқи иттилои Хадамоти назорати давлатӣ ва ҳифзи иҷтимоии аҳолӣ, то ба имрӯз дар Тоҷикистон бар асари истеъмоли доруҳои ин ширкат касе осеб надидааст.
Ёдовар мешавем, ки дар пайи истеъмоли ин дору дар Тоҷикистон ҳеҷ кӯдаке нафавтидааст. Дар ҳамин ҳол, сар аз моҳи феврали соли равон дар Тоҷикистон фурӯши доруҳои “ДОК-1” ва “Док-Макс” расман манъ карда шудааст.
Вазорати адлия Шаҳбози Аброрро раиси Ҳизби демократи Тоҷикистон эътироф кардааст
Аз Алӣ Лориҷонӣ то Саид Ҷалилӣ. Сабти номзадҳо ба мақоми раёсҷумҳури Эрон оғоз гардид
Тоҷикистону Чин маблағгузории лоиҳаҳои афзалиятнокро дар Тоҷикистон баррасӣ карданд
“Роҳ ба сӯи Тиён-Шон”: дар Тоҷикистон рушди роҳҳои мошингард баррасӣ шуд
ВКД сабаби ҳодисаи марбут ба зани 23-соларо, ки аз ошёнаи 5-ум дар Кӯлоб афтод, шарҳ дод
Чаро Тоҷикистон дар безараргардонии фурӯзонакҳои каммасраф муваффақ нашуд?
“Воридот ва фурӯши сатру либоси сиёҳ манъ аст”. Ин ба кори фурӯшандагон чӣ гуна таъсир мерасонад?
Бар зидди писари раиси бозори Ёвон парвандаи ҷиноӣ боз карданд. Ҷузъиёти кордзании хонандагон
Боришот зиёдтар мешавад: обуҳавои моҳи июн дар Тоҷикистон
“Худам шоҳу табъам вазир?”. Мансабдороне, ки парвои интиқод надоранд
Кулли ахбор
Авторизуйтесь, пожалуйста